Bizga: qanday qilib tez va sifatli ta’mirlash mumkin?, ishonchli va sinalgan ustalarni qanday topish mumkin? degan savollar bilan ko’p murojaat qilishadi. Biz bu savollarga pudratchilarning o’zlari javob bersalar to’ǵriroq bo’ladi, degar qarorga keldik.
Bugun ta’mirlash bo’yicha eng keng tarqalgan 7 ta savolga
Renovation Home kompaniyasining vakili javob beradi.
1. Nima uchun ta’mirlovchilar brigadasi bilan rasmiy shartnoma tuzish kerak?
Eng avvalo, bu buyurtmachi uchun ta’mirlash ishlari muddatida bajarilishiga, yakuniy summa esa o’zgarmasligiga kafolat. Masalan, bizning kompaniyamiz faqat rasmiy shartnoma bo’yicha ishlaydi, bu shartnomada ishlarning barcha turi, ularning qiymati va bajarish muddatlari ko’rsatiladi. Agar ta’mirlash pudratchining aybi bilan vaqtida tugallanmasa, yoki masalan, ishlarning sifati shartnomada oldindan kelishilgan sifatga to’ǵri kelmasa, shartnoma bo’yicha pudratchi barcha ishlarni to’ǵrilash majburiyatini zimmasiga oladi.
2. Uyda barcha simlarni, kommunikasiyalarni almashtirish /o’tkazish, shuningdek intererning noyob o’ziga xos dizaynini yaratish zarur. Har bir mutaxassisni alohida qidirish kerak bo’ladimi?
Bizning kompaniyamiz shtatida tamirlash ishlarining barcha turlari bo’yicha mutaxassislar bor. Va bu biz bilan hamkorlik qilishning yana bitta salmoqli afzalligidir. Siz interer dizaynini, arxitektura loyihasini buyurtirishingiz mumkin. Barcha xizmatlar kompleks tarzda ko’rsatiladi, yani siz kommunikaciya va muhandislik tarmoqlarini o’tkazadigan, santexnikani o’rnatadigan, xonalar ichini pardozlash ishlarini bajaradigan mutaxassislarni qidirib yurishingiz kerak bo’lmaydi. Bazi buyurtmachilar hatto mebelni ham bizning o’zimiz tanlab berishimizni so’rashadi.
3. Mijoz qurilish materiallarini yaxshi tushunmaydi. Qanday qilib insofsiz sotuvchilar tuzoǵiga tushib qolmaslik kerak?
Buyurtmachilarning o’zlari qurilish bozorlariga borishlari, sifatli materiallarni qidirishlari, savdolashishlari, materiallarni yuklashlari va ularni uyga olib kelishlari shart emas. Biz uylarni tayyor ta’mirlangan holda topshirishni taklif etamiz va bu xizmatlar doirasida qurilish materiallarini sotib olishni ham o’z zimmamizga olamiz. Bizning kompaniyamiz qurilish materiallarining ishonchli ishlab chiqaruvchilari va sinovdan o’tgan etkazib beruvchilar bilan hamkorlik qiladi, doimiy mijozlar sifatida esa qurilish materiallarini yaxshigina chegirmalar bilan sotib olamiz.
4. Buyurtmachi ta’mirlash brigadasining ilgari bajarib bo’lgan ishlarini ko’rishi mumkinmi?
Biz o’z ishimiz bilan shunchalik faxrlanmizki, amalga oshirgan loyihalarimizni katta quvonch bilan ko’rsatamiz. Buyurtmachining istagiga ko’ra biz ilgari bajargan buyurtmalarimizning video- va fotolarni namoyish qilishimiz mumkin.
5. Ko’pincha ish boshqaruvchi ta’mirlash ishlari boshlanishida va oxirida haqni olish uchun paydo bo’ladi. Kvartira egasiga ustalarning ishini o’zi nazorat qilib borishiga to’ǵri keladi. Bu to’ǵrimi?
Yo’q, albatta. Ish boshqaruvchi (prorab) tamirlash-qurilish jarayoni uchun to’liq javobgar hisoblanadi. Bizning mutaxassisimiz har kuni obektga chiqadi, tamirlash ishlarining qanday borayotganligini nazorat qiladi va buyurtmachiga fotohisobot yuboradi. Bundan tashqari, dizayner va bosh muhandis ishlarning mualliflik nazoratini amalga oshiradi.
6. Ko’pincha shunday bo’ladi, ustalar har qanday ishni zimmalariga oladilar, keyin esa ularning bunday ishlarni bajara olmasligi yoki ularda maxsus asboblar yo’qligi malum bo’ladi. Boshqa mutaxassisni qidirish kerak bo’ladimi?
Afsuski, hozir bunday o’zicha “mohir” ustalar ko’p. Bizdan ko’pincha bunday “mohir” ustalarning ishlarini qayta qilib berishni yoki yakuniga yetkazib berishni so’rashadi. Biz o’z buyurtmachilarimiz bilan o’zaro ishonch aloqalarini o’rnatish amaliyotini qo’llaymiz, shuning uchun ishlarning u yoki bu turini bajara olmasligimizni oldindan bildiramiz. To’ǵri, bizning amaliyotimizda bundan holatlar bo’lganligini eslay olmayman, chunki bizning mutaxassislarimiz Evropa va Rossiyada ishlab juda katta tajriba orttirganlar. Ular o’z kasbining haqiqiy ustalari bo’lib, ishlar topshirilganidan yarim yil o’tib-o’tmay gulqoǵozlarni qayta yopishtirish yoki pollarni qayta yotqizishga to’ǵri kelmaydi.
7. Buyurtmachi ish sifatsiz bajarilgan deb hisoblaydi. Usta oʻzining haqligini isbotlaydi. Xatolar esa shundoq koʻrinib turibdi. Xoʻjayin xatolarni toʻgʻrilashni yoki pullarni qaytarishni talab qilishi mumkinmi?
Bu yana bir marta shartnoma tuzish zarurligini koʻrsatadi. Albatta, usta barcha kamchilik va xatolarni tuzatishi yoki pullarni qaytarishi zarur. Lekin, yana bir marta qaytaraman, agar shartnoma tuzilmagan boʻlsa, unda kimningdir pullarni qaytarishi gumon. Bizning kompaniyamiz oʻzining har bir mijozini qadrlaydi, shuning uchun biz buyurtmachi tomonini olamiz. Biz, albatta, bunday holatlarni nazorat qilib boramiz, lekin toʻgʻrisini aytganda, bundan holatlar bizning amaliyotimizda juda kamdan-kam uchraydi.
